2. त्यांचे पूर्वज

भगवान बुद्ध आणि त्यांचा धम्म~ लेखक: डॉ. बाबासाहेब आंबेडकर
*********************
प्रथम खंडः बोधिसत्व हे बुद्ध कसे झाले
*********************
भाग पहिला- जन्मापासून परिव्रज्येपर्यंत
*********************
2. त्यांचे पूर्वज ( His Ancestry )
*********************

1) शाक्यांच्या राजधानीचे नाव "कपिलवत्सू" होते. कदाचित हे नाव थोर बुध्दिवादी तत्ववेता कपिलमुनी यांच्या नावावरून पडलेले असावे.

2) कपिलवत्सूमध्ये 'जयसेन' नावाचा एक साक्य राहात होता. सिनहु (सिंहनु) नावाचा त्याला एक मुलगा होता. सिंहनुचा विवाह कस्सनाशी (Kaccana) झाला होता. त्याला सुध्दोदन, धोतोदन, सुक्लोदन, साक्योदन व अमितोदन असे पाच पुत्र होते. या पाच पुत्रा़ंशिवाय सिंहनुला अमिता व पमिता या नावाच्या दोन कन्या होत्या.

3) त्याच्या कुटुंबाचे गोत्र आदित्य होते.

4) शुध्दोदनाचा विवाह महामायेशी झाला होता. तिच्या पित्याचे नाव "अंजन" व आईचे नाव "सुलक्षणा" असे होते. अंजन हा कोलिय होता. तो देवदह नावाच्या गावी राहात होता.

5) शुध्दोदन हा मोठा योध्दा होता. जेव्हा शुध्दोदनाने शूरपणा दाखविला तेव्हाच त्याला दुसरी पत्नी करण्याची अनुमती देण्यात आली व त्याने दुसरी पत्नी म्हणून महाप्रजापतीची निवड केली. ती महामायेची वडील बहीण (मोठी बहीण) होती.

6) शुध्दोदन फार श्रीमंत होता. त्याच्या मालकीची भूमी विस्तृत होती व त्याचे पुष्कळ नोकर-चाकर होते. असे म्हणतात की, त्याच्या मालकीची जमीन नांगरण्यासाठी एक हजार नांगर चालत असत.

7) तो ऐषारामात राहात होता. त्याचे अनेक महाल होते.

*********************
क्रमश: .....
रोज वाचा, "बुध्द आणि त्यांचा धम्म"
पुढील भागात: ३. त्यांचा जन्म
*********************