2. मृत्यूत्तर जीवनाची चिंता कशाला करा?

भगवान बुद्ध आणि त्यांचा धम्म
~लेखक: डॉ. बाबासाहेब आंबेडकर
*************************
चवथा खंड- धर्म (Religion) आणि धम्म
Book IV- Religion and Dhamma
*************************
भाग चवथा- तथागतांची प्रवचने
Part IV- Buddhas Sermons
*************************
V (पाच)- बुद्धांची धम्मावरील प्रवचने
SECTION FIVE-- Sermons on Dhamma
*************************
2. मृत्यूत्तर जीवनाची चिंता कशाला करा?
Why Bother About Life After Death?
*************************

1) एकदा स्थविर महाकश्यप आणि स्थविर सारीपुत्त हे बनारसजवळच्या इसिपत्तनमधील मृगदायामध्ये राहात होते.

2) त्या वेळी स्थविर सारीपुत्त सायंकाळी आपला एकांत संपवून अर्हत स्थविर महाकश्यप यांच्याजवळ जाऊन बसले.

3) अशा रीतीने बसल्यावर स्थविर सारीपुत्ताने महाकश्यपाला प्रश्न केला, "मित्रा, कश्यपा, मृत्यूनंतर तथागतांना अस्तित्व असते काय?"

4) "तथागतांना मृत्यूनंतर अस्तित्व असते किंवा नाही यासंबंधी भगवंतांनी काहीच सांगितलेले नाही."

5) "मग मित्रा, तथागतांना मरणोत्तर अस्तित्व असते आणि अस्तित्व नसते अशा दोन्हीही गोष्टी मानावयाच्या काय?"

6) "मित्रा, हे सुद्धा तथागतांनी म्हटलेले नाही."

7) "तर मग मित्रा, तथागतांना मरणोत्तर अस्तित्व नाही. अथवा नाही असेही नाही असे म्हणावयाचे काय?"
"हे सुद्धा तथागतांनी म्हटले नाही."

8). "मित्रा, हे तथागतांनी का म्हटलेले नाही?"

9) *"कारण हा प्रश्न मानवतेच्या हिताशी किंवा श्रेष्ठ जीवनाच्या तत्त्वाशी संलग्न नाही. तो प्रश्न आपणाला प्रज्ञा किंवा निब्बाण यांपैकी काहीच साधून देत नाही. आणि म्हणूनच तथागतांनी या प्रश्नाचे उत्तर दिलेले नाही."*