3. जीवकाचे दान

भगवान बुद्ध आणि त्यांचा धम्म
~लेखक: डॉ. बाबासाहेब आंबेडकर
*************************
सहावा खंड- बुद्ध आणि त्यांचे समकालीन
Book VI- He and His Contemporaries
*************************
भाग पहिला- बुद्ध आणि त्यांचे समर्थक
Part I- His Benefactors
*************************
3. जीवकाचे दान
Gift from Jeevaka
*************************

1) जेव्हा तथागत राजगृहात असत तेव्हा वैद्यकतज्ञ जीवक दिवसातून दोन वेळा त्यांच्याकडे जात असे.

2) बिंबीसार राजाने दान केलेले वेळूवन फार दूर असल्याचे त्याला जाणवले.

3) राजगृहात जीवकाच्या निवासानजीक त्याच्या मालकीचे आम्रवन नावाचे उद्यान होते.

4) तिथे एक सर्वांगपरिपूर्ण विहार बांधावे आणि आम्रवनासहीत तथागतांना त्याचे दान करावे असे त्याला वाटले.

5) ह्या कल्पनेने प्रेरित होऊन तो तथागतांजवळ गेला आणि आपली इच्छा पूर्ण करण्याची त्याने अनुज्ञा मागितली.

6) तथागतांनी मुग्ध राहून संमती दर्शविली.