7. चांगल्या (कुशल) संकल्पाची आवश्यकता

भगवान बुद्ध आणि त्यांचा धम्म
~लेखक: डॉ. बाबासाहेब आंबेडकर
*************************
चवथा खंड- धर्म (Religion) आणि धम्म
Book IV- Religion and Dhamma
*************************
भाग चवथा- तथागतांची प्रवचने
Part IV- Buddhas Sermons
*************************
दोन- शील परिपालनाच्या आवश्यकतेवरील प्रवचने
SECTION TWO-- Sermons on the Need for Maintaining Character
*************************
7. चांगल्या (कुशल) संकल्पाची आवश्यकता
Need for Making Good Resolutions
*************************

1) एकदा श्रावस्तीतील जेतवनात राहत असता तथागत भिक्खूंना उद्देशून म्हणाले:

2) "निर्मळ आणि सुखी जीवनासाठी कुशल संकल्प करण्यांची अत्यंत आवश्यकता आहे."

3) "कोणते संकल्प करावेत हे मी तुम्हाला सांगतो ते ऐका:"

4) "असा संकल्प करा की, आयुष्यभर मी आपल्या माता पित्याचें परिपालन करीन. मी माझ्या कुळाच्या कुलपतीचा आदर करीन. माझी वाणी सदैव मृदु राहील. मी कोणासंबंधी वाईट बोलणार नाही. स्वार्थाचा कलंक प्रक्षाळून मी माझे अंतःकरण स्वच्छ करीन. औदार्याने शुभ हस्ताने दान करण्यात आनंद मानीत राहीन, आपल्याला जे लाभेल त्याचा भाग दुसऱ्याला देण्यात समाधान मानीन. वर मागण्यास योग्य असा मी मनुष्य होईन."

5) "आयुष्यभर शांत राहीन. क्रोध उत्पन्न झालाच तर त्याचा तात्काळ मी निरोध करीन."

6) "भिक्खूंनो असे हे सात प्रकारचे संकल्प आहेत, जे केले असता तुम्ही सुखी आणि पवित्र व्हाल."